በመድረኩ የጋራ ግብረሃይሉ አባላት፣ የፖሊስ መምሪያ የስራ ሃላፊዎችና የሰላምና ፀጥታ ጽ/ቤት አመራሮች በተገኙበት ሰላምና ደህንነትን ለማስከበር እየተሰሩ ያሉ ተግባራት ተገምግመዋል፡፡ የውይይት መድረኩን የመሩት የክፍለ ከተማው ዋና ስራ አስፈፃሚ አቶ ታረቀኝ ወርቅነህ ህብረተሰቡን ያሳተፈ የሰላምና ፀጥታ ማስከበር ስራ መሰራቱ ውጤት እየተገኘበት በመሆኑ ተጠናክሮ መቀጠል ይኖርበታል ሲሉ ገልፀዋል:: የአዲስ አበባ ሰላምና ፀጥታ ቢሮ ምክትል ሃላፊ አቶ ተስፋዬ ደንድር በበኩላቸው ህዝቡን የሰላሙ ባለቤት አድርጎ መስራት ተገቢ መሆኑን ገልፀው የየወቅቱን ነባራዊ ሁኔታ ታሳቢ ያደረገ የተቀናጀ ስምሪት በመውሰድ ተግባራዊ ማድረግ ይገባል ሲሉ ገልፀዋል:: የአዲስ ከተማ ክ/ከተማ ብልፅግና ፓርቲ ቅርንጫፍ ጽ/ቤት ምክትልና ፖለቲካ ዘርፍ ሃላፊ አቶ አብነት አሰግድ በበኩላቸው ለሰላምና ፀጥታ ተግራራችን ልዩ ትኩረት በመስጠት ተቀናጅቶ መስራት ይገባል ብለዋል:: የክፍለ ከተማው ሰላምና ፀጥታ ጽ/ቤት ሃላፊ ዶ/ር ጥበቡ ደጀኔ በዘርፉ እየተሰሩ ያሉ ተግባራትን በተመለከተ ሪፖርት አቅርበው ውይይት ተደርጎበታል::